ЗА НАС – Логичен партнер за логистика на вашето работење
Основани сме во 2010та година, со идеја на нашите клиенти да им понудиме брз, ефикасен и сигурен транспорт на стока во домашниот и меѓународниот сообраќај. Водени од нашите корпоративни вредности, набрзо по основањето направивме проширување на дејноста, и сега овозможуваме цела палета на логистички услуги клучни за работењето на секој успешен бизнис: домашен и меѓународен транспорт на стока, складирање на стока, аутсорсинг на дистрибутивни активности во име и за сметка на нашите клиенти, дистрибуција и монтажа на мебел, консалтинг во врска со надворешната трговија и комуникација со добавувачи од странство, како и дистрибуција на стока до конечното одредиште. Вршиме комплетни утовари, збирни утовари, дотовари, дистрибуција и целокупна логистика. Воедно, за нашите клиенти можеме да обезбедиме и квалитетно, ефикасно и професионално застапување во сите царински постапки, и да им понудиме помош во толкувањето на законските прописи кои ја третираат оваа проблематика. Транспортот на стока го вршиме со сопствена флота на возила, од Македонија до било која точка во Европа и обратно, а за подалечни дестинации ги ангажираме транспортните капацитети на нашите бројни партнери од странство. Денес Технотранс е составен од тим на млади, но искусни професионалци, посветени на создавање на оптимални логистички решенија скроени по Ваша мерка. Професионални, одговорни, сигурни и флексибилни, секогаш сме подготвени за воспоставување на стабилен и долгорочен партнерски однос со нашите клиенти, заснован на взаемна доверба и разбирање. Високата стручност на вработените, ефикасноста во работењето, техничката опременост, квалитетот на услугата и долгогодишното искуство се нашата најдобра препорака и гаранција за квалитетот на транспортните и логистичките услуги кои ги овозможуваме. Сето ова нè вбројува во самиот врв на логистичките компании и создава доверба кај голем број на домашни и странски клиенти.
НИЕ НИЗ БРОЈКИ – Гледаме само напред
2010 – Ја основавме компанијата
2013 – Ја воведовме аутсорсинг услугата, односно започнавме да извршуваме дел од дистрибутивните активности во име и за сметка на нашите клиенти, како новитет на македонскиот пазар
2016 – Следејќи ги барањата на пазарот, значително ја зголемивме нашата флота; – Склучивме договор за партнерство со реномираната шпедитерска компанија од Италија SET Falciani International Forwarding, и воспоставивме редовна транспортна линија на релација Италија – Македонија со наши возила
2018 – Започнавме да вршиме дистрибуција на мебел од нашиот магацин до било кое место во Македонија и негова монтажа во просториите на клиентите; – Отворивме сопствен комплекс за складирање на стока и јавен царински склад, со што во целост ја комплетиравме понудата на нашите услуги; – Прераснавме во колектив од средна големина, со повеќе од 100 постојано вработени лица, кои опслужуваат преку 1.500 задоволни клиенти.
НАШИТЕ ЦЕЛИ – Нашата крајна цел е идентична со Вашата – ние сакаме Вие да сте задоволни
Компанијата ја основавме водени од целта за препознавање на потребите и идеите на клиентите, и нивно спроведување во дело. Цел ни беше и да изградиме доверба помеѓу сите учесници во логистичкиот ланец, преку спроведување на одговорна деловна политика. Понатаму, си поставивме за цел да претставуваме сигурен партнер за сите наши клиенти и соработници. Затоа во секој момент сме подготвени да го понудиме најдоброто решение, и понуденото секогаш и да го реализираме. Исто така, цел ни е, покрај квалитетот, да понудиме и ефикасност на нашите услуги. Затоа, на Вашите барања одговараме во најкраток можен рок, се трудиме да понудиме најоптимални предлози за транспорт на Вашата стока и да ги исполниме сите Ваши рокови. Цел ни е и да се прилагодиме на Вашите потреби и барања. Нашето време Ви е посветено Вам. На крајот, целта за иднината ни е да имаме задоволни клиенти со кои заеднички ќе поставуваме нови цели, и така да се развиваме и напредуваме. Придружете ни се во создавањето на нови идеи и цели.
НАШИТЕ ВРЕДНОСТИ
Тим – Ги вреднуваме нашите вработени, и им овозможуваме сигурна и квалитетна работна околина, со постојано поттикнување на учењето, иновативноста и професионализмот.
Квалитет – Соработката, љубезноста, ефикасноста и квалитетот на советот и услугата претставуваат императив за нашата компанија. Сите вработени имаат обврска да го дадат највисокиот квалитет на професионална услуга.
Иновација – Континуирано размислуваме за иновации и примена на современи трендови во сите сегменти на работењето
Одговорност – За нас, општествената одговорност значи континуиран придонес кон зачувување на животната средина, учествување во хуманитарни акции, и грижа за клиентите, соработниците и вработените.
КОНТАКТ ИНФОРМАЦИИ – Еден контакт менува сè
Со контактирање на нашиот искусен тим, во секој момент можете да ја добиете целата потребна административна и стручна поддршка. Љубезноста, ефикасноста и стручното советување отсекогаш биле наши познати одлики. Нашето знаење за транспортот, складирањето и царинењето на различни видови стоки често може да одигра клучна во превенцијата и/или решавањето на потенцијални проблеми во текот на логистичкиот процес. На сите Ваши прашања ќе Ви одговори професионален тим, зад кој стојат години на усовршување и искуство во решавање на сите предвидени и непредвидени препреки.
Контакт форма